बर्षौँ पछि

ॐ

बर्षौँ पछि

सुसन मास्के

पर्खेको मनले आजको दिनलाई हो

बर्षौँ पछि मेरो छेउ आएको यो फुर्सद हो

लखेटु म आँखाले आज बादललाई

कि पल्टेर मखमली हरियो दूबोमाथि

निहारु म नीलो अम्बरलाई

झिकेर पढु पुराना प्रेमपत्रहरुलाई

कि खोजु डायरीमा च्याप्पिएर

सुकेको त्यो खास फुललाई

सुकसुकाइ दिउ कि गहभरी आँसु भरेर

कि एक्लै मुस्कुराउ म

सम्झु किस्सा कुनै भुले बिर्सेको

कि टोलाएर ताकु शून्यलाई
आज शून्य भएर म